عساك يالطايف بالاحسان مــــــــذكور

السلام عليكم ورحمة الله وبركاته


قصيدة لشاعر الوطن / خلف بن هذال الحافي العتيبي




عساك يالطايف بالاحسان مــــــــذكور ..... دار(ن) يباشرك المطر كل لـــــــــيله
لو كان انا يادار ماني مســــــــــــــرور ..... مزن(ن) تحدر عصر ابا اقعد واخيله
مزن(ن) على الاوطان منهي ومــامور ..... يامحلا ريح النفل عقب ســــــــــــيله
في دار خــلان(ن) لهم اسم مشــــهور ..... قطاعت الفرجه بليا دليـــــــــــــــله
في دارهم غزلان عين(ن) من الــحور ..... شقح(ن) يداون الكبود العلــــــــيله
شقح(ن) عليهن خاطري صار مكسور ..... كسر البظاعة بالفلوس القــــــــليله
ياليت قلبي عن هوى البيض معصور ..... واكسب على راحة عيوني جميله
لا شك انا في ناعم العود مجـــــــبور ..... اللي يسلهم بالعيون الكحيــــــله
اسري على خد الحبيب بلا نـــــــــور ..... لو حط عني باظلم الليل شــــــيله
ادعج غنج وبسترك الستر مستـــــور ..... صدره وجيبه ساتره بالجـــــــديله





آملين ان ما نقدم ينال استحسان الجميع
تقبلوا تحياتي شمس الحقيقه

الله يعطيك العافيه على هذا النقل الرائع شمس
تقبل مروري يالغالي

سلموووا شمس على النقل الرائع

ودمت بود

شمس ..


تسلم على اختيارك



ولك احترامي

شمس الحقيقة000
قصيدة جزلة لشاعر جزل وعلم من أعلام الشعر النبطي 000
مشكور على نقلها لنا000

يالبى قلب باااااااريس العرب ويعطيك الف عافيه شمس على الاختيار

قصيدة ماتغيب عن اللسان وإن غابت عن الأذان

من اقدم ماسمعنا في وصف الطائف

كنت أسمعها في شريط كست عند جدتي وأتطرب عليها

لأنها توصف الطائف من دون مدن المملكة

مشكور أخوي على التذكير